Goude treuzkas ar gefridi Bugaligoù eus ar c’humunioù da Gemper Breizh Izel, an ESM (Erlec’hioù skoazellerezed-mamm), a zeu da vezañ Erlec’hioù Bugaligoù (EB). Un degemer unik krouet evit aesaat difraeoù ar gerent yaouank.

Enskrivañ el liesdegemer : un degemer unik

Tri Erlec’h Bugaligoù a zo bremañ war dachenn ar pevarzek kumun a zo er c’horn-bro. E Brieg, en Erge-Vras hag e Kemper emaint. Kustum a ra ar servij-kumuniezh nevez-mañ heñchañ, kuzuliañ ha sikour ar gerent hag ar re da zont pa vezont o klask an doare diwall an tostañ d’o ezhommoù.

Ur respont personelaet hag a ginnig an holl zoareoù a vez kinniget dezho : skoazellerez-vamm, liesdegemer pe c’hoazh diwall bugale er gêr. Erlec’h Bugaligoù a zo ivez ul lec’h degemer unik evit difraeoù enskrivañ el liesdegemer. Aesaat a ra ar servij-mañ hentad ar gerent a-drugarez d’un degemer e karg hollek.

Un dibab ostilhoù evit ar skoazellerezed-mamm

Desaverezed-dave an Erlec’hioù-mañ a zo ivez kendivizerezed evit tud a vicher hag a ra war-dro ar vugaligoù. Kinnig a reont eta meur a venveg disheñvel d’ar skoazellerezed-mamm : atalieroù diforfilañ, ur c’hoariaoueg, ul levraoueg, prezegennoù war temoù micherel ha bugaligoù. Heñchet e vezont gant ar skipailh pa vezont oc’h ober enklaskoù war ar stummadurioù ha kinniget e vez ingal dezho lec’hioù ha prantadoù evit komz kenetrezo war ar vicher skoazellerez-vamm ha war o fleustroù micherel.