Budjed 2019 : 107 milion a euroioù

D’an 31 a viz Genver e oa bet votet gant ar guzulierien-gumuniezh budjed 2019 Kemper Breizh-Izel (ouzhpenn 100 000 annezad, 14 kumun). Sevel a ra da107 036 237 euro, en o zouez 28 milion a euroioù a zispignoù postañ.

Bez’ eo trede budjed Kemper Breizh Izel, un DPKE* bet krouet d’ar 1^añ a viz Genver 2017. E 2018 e oa bet unvanet ar statudoù hag e oa bet degemeret raktres ar gumuniezh. Gant hennezh e oa bet kinniget astenn termenadur interest ar gumuniezh a-fet an ober sokial d’ar vugaligoù, da vererezh AHDODoù ar gumun ha da savidigezh ha levierezh kevratoù lec’hel ar yec’hed hag ar yec’hed-spered, hag ivez krouiñ ur gefridi skediñ ha lakaat an DPKE* ivez da seveniñ ur gefridi evit ar cheñchamant energiezh. Dav eo notenniñ ivez emañ poull-neuial ha mediaoueg Brieg dindan Kemper Breiz Izel abaoe ar 1^añ a viz Genver 2019.

*DPKE = Diazezadur Publik a Genlabour Etrekumunel

11 budjed a ya d’ober budjed Kemper Breizh Izel :

• ar budjed pennañ (66 milion a euroioù),
• advudjed an treuzdougen (17,7 milion a euroioù),
• un advudjed evit an dour – mererezh dindan renadur (1,9 milion a euroioù),
• un advudjed evit an dour – mererezh dileuriet (4,9 million a euroioù),
• un advudjed evit ar yac’husaat stroll – mererezh dindan renadur (1,2 milion a euroioù),
• un advudjed evit ar yac’husaat stroll – mererezh dileuriet (5,2 milion a euroioù),
• un advudjed a denn d’ar SPYD* (570 000 euro),
• un advudjed a denn da feurmiñ ar savadurioù ekonomikel (608 360 euro),
• un advudjed evit an Takadoù armerzherezh (7,8 milion euro),
• un advudjed evit talvoudekaat an energiezhioù nevezadus (671 055 euro)
• hag ur budjed evit an obererezhioù er porzhioù (142 850 euro).

*SPYD = Servij Publik ar Yac'husaat Distroll